Kum 50 chhunga US-Cuba highest-level meeting nei
Cuba Foreign Minister Bruno Rodriguez leh US Secretary of State John Kerry-te chuan Ningani khan Panama-ah meeting an nei a, hei hi kum 50 chhunga ram pahnihte inkara highest-level meeting neih hmasak ber a ni.
Panama-ah hian Summit of Americas neih a ni a, summit denchhen hian ram pahnih hruaitute hi an inhmu a ni. US President Barack Obama leh Cuba hruaitu Raul Castro-te pawhin Panama-ah vek khan formal meeting hmasa ber an nei dawn bawk.
US leh Cuba in high level meeting an neih hnuhnun ber chu kum 1959 kha a ni a, he meeting-ah hian Cuba ram hruaitu Fidel Castro leh US Vice Prseident Ricard Nixon-te an inhmu a ni. Mahse he meeting an neih aṭanga kum hnih hnu lekah ram pahnihte inkar boruak hi a ṭha lo chho a, palai an intirh tawn pawh an titawp a ni.
Cuba hi US-in firfiakte ṭanpuitu ram list a siam zingah a la tel a, Cuba bakah hian Iran, Sudan leh Syria te an tel. Mahse ram pahnihte inkar boruak hian ziaawm lam a pan zel avangin terrorist sponspor-tu rama dah a nihna hi paih dan tur ngaihtuah turin state department chuan a rawt tawh a ni. He rawtna hi US President hian a pawm a nih chuan sum lama Cuba ram hreknate hlipin, loan bakah chhawmdawlna pawh pek theih a ni ang.