Turkey-in Egypt President hlui chhuah phut

Turkey President Recep Tayyip Erdogan chuan Egypt President aṭanga paihthlak, tuna jail-a tang mek Mohamed Morsi chu chhuah zalen a nih a, amah thlawptute thi tura chungthu relsak an nihna chu hlih a nih phawt loh chuan Egypt nena an inlaichinna chu siamṭhat a tum lo tih a sawi.

Kum 2013-a Egypt sipai hotu, Abdel Fattah el-Sisi kaihhruai­a sipai chakna hmanga Morsi paihthlak a nih aṭang khan ram pahnihte inkar boruak hi a chhe chho tawh a ni.

President aṭanga Morsi paih­thlak a nih hnu hian Egypt sipaite chuan a party, Muslim Brotherhood mi leh sa eng emaw zat an man zui a, an zinga tam tak chu thi turin an chungthu relsak an ni tawh.

Turkey President Erdogan chuan, "Morsi hi mipuite duh­thlana President atana thlan chhuah niin, inthlanah pawh vote tla aṭangin 52% a hmu a ni. Hei vang hian an tantirna aṭang hian chhuah zalen a ni ngei tur a ni," a ti.