China-in pension kum a ti sang

China chuan kum 1950 chho aṭanga a vawi khatna atan pension kum chu ati sang dawn, hei hi an rama kum upa an pung zel leh, pension budget an indaih loh chhoh zel vang a ni.

Legislative body chuan nimin khan hmeichhia, blue-collar job (hna hahthlak, kut hna thawk ngai chi) tan pension kum chu kum 50 aṭanga 55-a tih san leh, white-collar job (office lama thawkte) tan kum 55 aṭanga 58-a tihsan rawtna a pawm a, mipa tan pension kum chu 60 aṭangin 63-ah tih san a ni bawk ang.

China-in pension kum a hman mek hi khawvela a hniam ber pawl a ni.

Pension kum tih sanna hi January 1, 2025 aṭangin hman ṭan a ni dawn a, kum 15 chhung chu a khat tawkin tihsan chhoh a ni dawn niin state media chuan a tarlang. Pension theih hmaa chawlh phal a ni dawn lo a, hetih lai hian an pension kum hi kum thum thlengin an tih san phalsak an ni thung.

Kum 2030 aṭang chuan pension dawng tur hian hna thawktu chuan social security system lama nasa zawka tha a thawh ve a ngai tawh dawn bawk a ni.