China-in khualzin blacklist siam dawn

China chuan an ram tlawhtu khualzin zingah nungchang mawilo te chu a chhinchhiah dawn.

An ram mipuite hnenah an zin vahnaa nungchang mawi taka awm tura inzirtirna kawng khat atan, China National Tourism Administration (NTA) chuan dan thar siamin, khualzin black list hi a siam dawn ta a ni. NTA chuan an ram tlawhtu khualzin, public transport-a mawi lo taka che te, private leh public property tichhetu te, khawtlang dan siam­te zah lo taka palzut te, hnam thil leh zia lantirna tibuai tute leh, gambling leh mipat hmeichhiat lam hawia mawi lo taka che te chu blacklist-ah hian telh an ni dawn a ni.

Tourism thuneitute hnenah khualzin, blacklist-a chuangte chu hriattir an ni ang a, an nungchang leh khawsak dan siamṭhat tir dan ngaihtuah turin a ti bawk ang.

China mi, khualzinte hi an ram chhunga leh ram pawnah an chetdan a mawi lo fo nia sawi a ni. Intlar ngaihna hmuna mi kara inzeh mai te, hmanlai thil hlu tihchhiat leh tihhmelhem te, flight attendant hnialbuaite an ching ṭhin nia sawi a ni. Hei vang hian inzirtirna atan NTA chuan he dan hi a siam thar ta a ni.