WHO-in mpox vaccine a pawm

World Health Organisation (WHO) chuan puitling tana hman tur mpox vaccine hman phalna a pe a, hei hi mpox vaccine a pawm hmasa ber a ni. Africa leh hmun danga he natna darh zel tur venna tura hmalakna pawimawh tak a nih thu a sawi.

WHO-in a pawm sak, Bavarian Nordic A/S vaccine siam, Jynneos tia sawi bawk hi donor GAVI the Vaccine Aliance leh UNICEF chauhin an la thei dawn a, a siamtu hi company pakhat chauh a nih avangin supply lam a la tlem a ni. He vaccine hi kum 18 leh a chung lamah dose hniha pek tur a ni a, kum 18 hnuai lam tana hman turin phalna la pe tel lo mah se, hri a len nasatna bialah chuan naupang leh tleirawlah pawh hman theih tura ngaih a ni.

Mpox hri len nasatna ber ram, Congo-ah chuan hri kai zinga 70% dawn chu kum 15 hnuai lam an ni a, he hri thihpui zinga 85% pawh kum 15 hnuai lam an ni bawk.