Russia leh Ukraine in tang 206 inthleng

Russia leh Ukraine chuan Inrinni liam ta, September 14 khan United Arab Emirates (UAE) hmalakna hnuaia inremna an siam angin, mi tang 206 an inthleng.

Russia ministry of defence chuan tang an chhuahte hi Kursk an beih ṭuma an mi man, sipai 103 an ni tih a sawi. Ukraine president Volodymyr Zelenskyy pawhin tang chhuah ṭhenkhatte thlalak hi pho langin, 'Kan mite an lo haw ta e' tiin a ziak. Russia-in a chhuah takte hi armed forces, national guard, border guard leh police mi leh sate an ni tih a sawi bawk.

Ukraine-in Russia sipai a chhuahte hi Belarus-ah chhuahin, heng mite hi damdawi lam enkawlna te pek an ni a, an chhungte biak pawh tirin, Russia ramah hruai haw an ni dawn tih Russia chuan a tarlang.

UAE hian ram pahnihten an mi tangte an inchhuah tawn theihna turin a hma pawhin palai hna a lo thawk tawh a ni.