Tripoli-a Morocco embassy beih a ni

Libya khawpui, Tri­poli-a Morocco embassy gate bulah nimin zing khan bomb a puak a, thi leh hliam an awm lo niin security official chuan a sawi.

Bomb puak vang hian embassy gate bakah, a bula chenna in pakhat a chhe tel.

Pawikhawihna thlen hnu hian Islamic State of Iraq and the Levant (ISIL) thlawptute chuan Twitter-ah bomb tipuaktu an nih thu an sawi.

Pathianni khan Tri­poli-ah vek hian South Ko­rea embassy chu silai kengte'n an bei a, mi pahnih an kahhlum bakah midang pakhat an kap­­hliam a ni. SKorea em­bassy beitute hian em­bassy compound-a car tlan lai chu an kap niin Libya interior ministry thu­puangtu chuan a sawi. Thi te hi Libyan guard ve ve an ni. SKorean embas­sy hi thla eng emaw zat chu khar a ni tawh a, mah­se official-te'n an la hmang chhunzawm reng a ni.