Hillary Clinton-in US President candidate chuh dawn

US President hlui, Bill Clinton-a nupui, Hillary Clinton-i chuan nakkuma US President thlanna neih tura Democrats president candidate chuh a tum.

Pathianni khan video tichhuakin, Clinton-i hian president candidate chuh a tum thu hi a puang a, campaign pawh a ṭan nghal a ni.Clinton-i hian kum 2008-a President thlan dawn khan Democrats president candidate inchuhnaah Barack Obama a hneh zo lo a ni. Mahse President atana thlantlin a nih hnuah, Barack Obama hian Hillary Clinton hi chanvo pawimawh tak pein, a president term hmasaah khan Secretary of State atan a ruat a ni.

Obama a hneh loh tirh khan Clinton-i hian President chuh nawn a tum loh thu hi a sawi a, mahse a rilru thlakin kum 2016 inthlanah an party candidate nih tumin a bei leh dawn ta a ni. A campaign headquarters atan hian Brooklyn, New York-ah office luah tur pawh an tifel tawh bawk.