Zirlaite tûra hraiah firfiakte puh

Afghanistan khawthlang lam, Herat city-a kar kalta Inrinnia zirlai 100 chuang damloh chhan chu firfiakten tûr an pek vang niin Herat province-a police-te chuan an sawi.

Herat provincial police chief, Abdul Majid Rozi chuan, "Herat city, Fatah School-a zirlai 100 chuang chu firfiakte'n tûr an pe a, he pawikhawihna thleng kaihhnawihah hian mi pakhat man a ni," a ti. Firfiakte hian mipuite vauna leh tihzamna atan heng thil hi an ti niin official chuan a sawi.

Zirlai zinga a tam zawk hi damdawia enkawl an nih hnuah Inrinni zan khan hospital aṭangin chhuah tir an ni a, an zinga 11 erawh chu enkawl zui an la ni. Zirlaite hian school gate bula thil zuar hnena chana an ei aṭangin an damlo tih an sawi a, chana zuartu pawh hi man a ni tawh bawk.