WikiLeaks-in an logo ru-ah Hillary Clinton a puh

WiliLeaks chuan 2016-a US President thlanna neih tura Democrats presidential candidate nih tuma bei mek, Hillary Clinton-i chu presidential campaign neih tur atana an Twitter logo design ru-ah a puh.

Hemi chungchang hi WikiLeaks hian an Twitter-ah tarlangin, an logo hman mek leh Clinton-i logo khaikhinna pawh a dah nghal bawk. WikiLeaks logo-ah hian hourglass lem, a hnuai lam khawvel tla thla lai lem leh, a sira arrow mark sen inziak lem a lang a ni. Clinton-i campaign logo-ah hian arrow mark sen hmanga 'H' hawrawp siam a ni thung.

Kum 67 mi, Hillary Clinton-i hian Pathianni khan Democratic party president candidate chuh a tum thu hi a puang a, campaign pawh a ṭan nghal a ni.