SKorea leh Japan-in security talk an nei
South Korea leh Japan ram offficial-te chuan nimin khan Seoul-ah security affairs chungchangah Tow-Plus-Two dialogue an nei.
Ram pahnih aiawhte kum nga hnua an neih vawi khatnaa an inbiaknaah hian SKorea aiawhte chu Foreign Ministry Northeast Asian
Affairs Bureau hotu, Lee Sang-deok-a'n a ho a, Japan lam chu Japan Foreign Ministry Asian and Oceanian Affairs Bureau hotu, Junichi Ihara-a'n a ho thung.
Meeting-ah hian ram pahniha defence ministry Deputy director-general-level official-te an tel ang.
Kar kalta khan Japan hian an ram middle school zirlaibu 18-ah ram pahnihte inkara awm, Dodko island, Japan-in Takeshima tia a sawi chu Japan ram anga chhalin telh turin a pawm a, hei hian ram pahnih inkarah boruak a tihsan phah hle. An ram inchuh mek hi South Korea-in a luah mek a, hei hi dan loa luah niin Japan chuan a chhal. Mahse SKorea chuan he thiarkar hi Korean Peninsula niin, kum 1910-1945 khan Japan hian laksak tuma a beih zinga mi niin a sawi thung.
Nimina meeting an neihah pawh he thliarkar chungchang hi an sawi ho ngei rin a ni a, SKorea palaite chuan Japan-in a ram anga a chhal vanga an lungawi loh thu pawh an sawichhuah rin a ni bawk.