Libya rama lawng pilah mi 400 chuang an thi

Libya ram tuipuia lawng pilah mi 400 chuang an thi a, Italy coast guard-ten mi 144 an chhan­chhuak. Lawnga chuangte chhanchhuah hna hi thlawhtheihna leh lawng hmanga thawh a ni.

Save the Children chuan Thawhṭannia lawng che­suala chuangte hi Libya ram aṭanga pemchhuah tumte an ni tih a sawi a, nungdama chhanchhuah zinga a tam zawk chu la naupang tak takte an ni tih a sawi. European Union chuan kar kalta Zirtawpni aṭang khan Mediterranean tuipui-ah pemchhuah tum mi 7,000 chuang chhanchhuah an ni tawh tih a sawi.

Libya tuipuia lawng chesualah hian mi 550 vel an chuang a, Libya a chhuahsan tukah lawng hi chesualin a let ta a ni.