Houthi-in UN hrekna duh lohna lantir nan kawng zawh an tum

Yemen sorkar paithlak tuma bei mektu, Houthi helpawlte chuan UN Security Council-in an pawl hrekna resolution a siam chu an dem thu sawiin, Houthi governing body, Supreme Revolutionary Committee chuan Yemen mipuite chu UNSC resolution duh lohna lantira kawngzawh huaihawt turin a sawm.

Security Council resolution hi Thawhlehni khan pass a ni a, Houthi helte chu Yemen rama an ram lak chin aṭanga inthiar­fihlim a, tharum thawhnate titawp turin a ti a ni. Houthi pawl tana ralthuam pek luh a khap bawk a, hei bakah hian Houthi pawl hruaitute account leh thil neihte chu khawih chet theih loha dahsakin, rampawn lama an zinchhuah a khapsak bawk.

Member 15 awmna, council-ah hian member 14-in resolution hi an thlawp a, Russia chuan vote a thlak ve lo. UNSC member nghet panga zinga pakhat, Russia hian ral­thuam lama hrekna siam chu Houthi pawl chauh ni lo, Yemen ram pum tana siam nise a ti a ni.