Peru ah ram kang vangin mi 15 thi tawh

Peru lamah ram kang vangin mi 15 in nunna an chan phah tawh a, ram hectare 3,000 chuanga zau a kang chhe tawh niin thuneitute chuan an sawi.

Prime minister Gustavo Adrianzén chuan kangmei hi mihringte tih chhuah nia sawiin, an rama bial 24 zinga 22 ah a chhuak tih a sawi. Ram kang vanga meikhu leh thli insiam avangin helicopter hmanga kang ṭhelh tur pawh a tibuai niin a sawi.

Civil Defence report-in a tarlan danin, July thla tawp lam aṭangin ram kang vangin mi 15 an thi tawh a, hliam tuar 98 an awm bawk. Ran vulh 334 vel an thi tawh bawk a ni.

National Forest and Wildlife Service, SERFOR chuan khua a ro vang leh, thli a tleh tel bawk avangin kangmei hi a kang kai chak hle tih a sawi.