Jordan-in Israel aṭanga gas lakluh a khap dawn

Jordan Parliament chuan Israel ram aṭanga gas lakluh khapna tur draft law siam chu Pathianni  khan a pass.

Parliament member 13- te chuan draft law hi lungrual takin an pawm a, dan puitlinga siam a nih theihna turin cabi­net-ah thlen leh a ni ang. Hetihlai hian kum 2016 khan Jordan company leh US-Israeli consortium, Texas-based Noble Energy kaih­hruai chuan Jordan rama power plant-te tana gas pekna turin US dollar tluklehdingawn 10 supply deal an lo siam tawh a ni. Mahse sorkar chuan he inremna hi company inkar a ni tih sawiin, Parliament pawmpui tur pawhin pek a ni lo a ni, a ti. 

Israel hian kum 15 vel zet chu Jordan tan gas a lo supply tawh a, mahse tunhnaia an ram roreltute chuan energy lamah  an ṭhenawm ramte kutah an innghat ta lutuk nia sawiin an sawisel fo a ni. Hei bakah hian Jordan mi tam tak hi Palestinian thlah kal zel an ni a, an ni hian Israel hi hmelma, an thlahtute hnawtchhuaktuah an ngai bawk a, Israel nena inzawmna neih an duh lo a ni.