NKorea-in ballistic missile a enchhin leh

North Korea chuan nimin, September 18, 2024 zing karah khan ballistic missile eng emaw zat a enchhin leh niin South Korea leh Japan sipaite chuan an sawi.

South Korea joint chiefs of staff chuan NKorea hian an khawpui, Pyongyang hmarlam aṭangin short-range missile eng emaw zat hi khawchhak lamah a kap chhuak tih a sawi. US leh Japan nen pawh an sawiho nghal thu a tarlang.

Japan minister ministry chuan NKorea missile kah chhuah zinga pahnih chu Korean Peninsula leh Japan inkar tuipuiah a tla niin an sawi a,mahse eng ang missile nge a nih tih erawh an sawi lang lo. Tuipuia lawng awmte chu fimkhur turin an chah.

NKorea hian tun thla chhunga short-range missile a kah chhuah vawi hnihna a ni.Kar liam ta Ningani khan a lo kap chhuak tawh bawk a ni. NKorea hotu, KimJong Un chuan an ram nuclear ralthuamte tihpun tum a nih thu lo sawi tawhin, uranium sawngbawlna hmunte pawh tun hnaiah a tlawh a ni. US leh a thurualpuiten hmachhawn thei tura sipai thuam chak a ṭul thute pawh a sawi bawk.