Hri kai pun chak vangin Yangon-ah qurantine centre siam belh

Myanmar ramah Covid-19 kai an pung chak ṭan hle. Hri kai hi an la pun belh zel an rin avangin an rama khawpui lian ber, Yangon-ah quarantine centre-te siam belh a ni. 

Myanmar hi khawvela healthcare system nei chhe ber ram zingah a tel a, mahse thla hmasa lam thleng kha chuan coronavirus leng hi buaipui lutuk tham a la ni lo. August thla khan hri kai hmuh chhuah hi mi 400 vel chauh awmin, hri thipui hi mi paruk an awm. 

Mahse tun thlaah hri kai hi an pung chak hle a, kar tinin hri kai zat hi a letin an pung chho tawh a ni. Pathianni thleng khan hri kai hi mi 10,000 vel an tling tawh a, mi 200 velin an thihpui tawh nia sawi a ni.

State media report chuan Yangon khawpuiah mi 6,000 vel khung hran mek an ni a, quarantine centre mamawh belh a nih avangin hmanhmawh takin pasarih siam belh a ni, a ti. 

Hetihlai hian sorkar chuan hri kai pung zel mah se November 9-a an ram inthlanpui neih tur chu ruahman lawk angin kaltlangpui a ni dawn tih a sawi.