Queen’s Birthday Honours list-ah Covid-19 donaa hmatawngte AN tel

October 10-a puan tur 2020 Queen's Birthday Honours list-ah UK-a Covid-19 dona kawnga a hmatawng ber - doctor, nurse, fundraiser leh volunteer-te an tel.

Dan pangngai ang chuan June thlaah Queen piancham pual hian UK-ah mi hmingṭhate chawimawina neih ṭhin a ni a, mahse Covid-19 leng avangin sawn hlat a ni ta a ni. October 10 hian London-a Downing Street-ah neih a ni ang. 

Queen Elizabeth II hi kum 94 mi a ni tawh a, kum 1926 April 24 khan London-a Mayfair-ah a lo piang a ni. Kumtina a birthday puala chawimawina hlan ṭhinah, kumin chuan an rama Covid-19  dona kawnga ral hmatawngte chawimawi an ni dawn a ni.

UK prime minister Boris Johnson chuan an rama National Health Service (NHS)-te chu a fak hle a, mi nunna chhantute tiin a sawi hial a ni. Covid-19 dona kawnga ral hmatawngte hi chawimawi an phu hle a ni, a ti.