Brazil Petrobras scandal: Workers' Party treasurer man a ni

Brazil rama oil company lian, Petrobras eiruk leh thamna thubuai kal zelah, rorellai Workers' Party treasurer Joao Vaccari chu man a nih hnuin a nihna aṭangin a bang.

Vaccari hi Petrobras eiruk thubuai chhuina tihchingpen tuma puh a ni.

Petrobras-in contract an hmuh theihna turin Brazil-a rorellai, Workers' Party chu oil executive leh construction firm-te aṭangin thamna sum eng emaw zat dawngah puh a ni bawk. He thil thleng vang hian President Dilma Rousseff-i chu bang tura phutin ṭum eng emaw zat mipuite'n nawrh an lo huaihawt tawh bawk.

Party president Rui Falcao chuan Vaccari hi ala ring tawk reng tih a sawi.

Petrobras thubuaiah hian politician 40 chuang chhui mek an ni a, an zingah hian Congress house pahnihah a hotute pawh an tel.

Prosecutor-te chuan Petrobras-in contract hmuh theihna atana construction firm hnen aṭanga oil official-te'n dollar tam tham tak thamna sum an lak hi Workers' Party leh a thurualpuite tan pawhpen a ni, an ti.

Eptute chuan Petrobras-a thil dik lo tak a thlen lai hian President Rousseff-i chu board chairman a ni a, thil thlengte hi a hriatpui vek nia puhin President a nihna aṭanga bang turin an nawr a ni.