Nepal PM hlui a thi

Nepal Prime Minister hlui, Surya Bahadur Thapa chu kum 87 mi niin nimin khan Medanta Hospital, Gurgaon-ah a thi.

Thapa hi kum 50 chuang zet politics-ah inhmangin, Ne­pal PM hna pawh hi term nga, lal hrang pathum hnuaiah a chelh hman a ni.

Cancer natna a neih avangin March 29 khan Medanta Hos­pital-ah dah luh a ni a, nimin zing khan a thi ta a ni.

Kum 1950 khan 'under­ground student movement' hmangin Thapa hian politics hi a luhchilh ṭan a, kum 1958 khan Assembly member ah thlan tlin niin, Advisory Council Chairman a ni. Kum 1959-ah Upper House member atan thlan a ni leh bawk. 1966 khan Nepal ram danpui siamṭhatna hnuaiah Prime Minister atan ruat a ni. 1994-a mid-term election-ah khan House of Representative member atan thlan tlin a ni leh bawk.

House of Representative hian ṭum thum Prime Minister atan Thapa hi a thlang a, 1996 October thla khan ṭangrual sorkar a lo ho tawh bawk a ni.