Police-te'n pro-democracy activist man

Hong Kong police-te chuan Pathiannia nawrh huaihawtnaa tharum thawhna a thlen hnua, nawrh huaihawtnaa bultumtu bera puh pro-democracy activist Ventus Lau chu Pathianni zan khan an man. 

Hong Kong Civil Assembly Team chuan nawrh huaihawtna tura phalna pek an nih hnuah, dan an siamte leh police-te thuneihna an palzut avangin Ventus Lau hi man a ni tih a sawi. Nawrh huaihawtte hian kawng­zawh phalna dilin, police-te chuan Central district-a park chinah chauh kawngzawh phalna hi an pe a ni.

Mahse mipui pungkhawm an tam tak avangin phalna pek bakah kawngpuiah kawngzawh chhunzawmin, kawngpui­te an dang zui bawk. Police-te chuan kal darh tura an tih hnuah nawrh huai­hawtte hian tharum thawhna thlenin, buaina a chhuak zui ta tih an sawi a ni. Buaina chhuakah  hian community liason officer pahnih chuan hliam an tuar a, police officer dangte chu tui um ruakten mipui pungkhawm zinga ṭhenkhatte hian an vawm zui bawk.