Hri leng hluarna ram aṭanga Frozen food lalut lo turin ti
China khawpui, Beijing thuneitute chuan ram dang seafood lakluh ṭhenkhatah coronavirus hmuh a nih avangin, hri leng hluarna ram aṭanga frozen food lalut lo turin importer-te a hrilh.
Beijing Municipal Commerce Bureau chuan nimin khan thuchhuah siamin, "Cold chain food lakluh aṭangin customs leh tualchhung sorkar chuan coronavirus a hmuh fo avangin fimkhur a ngai hle a ni," a ti.
Hri leng chungchangah ram dangte dinhmun chu uluk taka thlithlai a ngai tih sawiin, hri leng hluarna ram aṭang chuan frozen food chu lalut lo turin a ti a ni.
Company hrang hrang hnenah pawh theihtawpa fimkhur leh uluk tura hrilhin, thil awmdan chu thuneitute lam hrilh hre thuai ṭhin turin an chah bawk. China ram hi Covid-19 len ṭanna ni mah se, thla khat chuang chu tualchhung aṭanga hri kai hmuh an awm tawh lo. Mahse tunhnaiah Jilin province leh Qindao khuaah ram dang aṭanga frozen food lakluhah hri hi an hmu a ni. Brazil, Indonesia leh Russai aṭangin seafood lakluh a khap tawh bawk.