Alps tlanga thlawhtheihna tlaa thite hriatrengna hun hmang

France ram, Alps tlanga Germanwings thlawhtheihna, Airbus 320 tlaa chuangte hriat­rengna hun chu nimin khan Cologne Cathedral-ah hman a ni.

March 24 khan Germanwings thlawtheihna hi Barcelona aṭanga Duesseldorf pana a thlawh laiin co-pilot Andras Lubitz-a'n Alps tlangah a tlak luihpui a, he thlawhtheihnaa chuang mi 150-te chu an thi vek a ni.

Hriatrengna inkhawm hi chhun dar 12-ah ṭan a ni a, German Chancellor Angela Merkel, President Joachim Gauck bakah Spain Interior Minister Jorge Fernandez Diaz-te pawh an tel. Mitthi chhung­te bakah he hun hman­puitu mi 1,500 vel an pungkhawm a ni.

Thlawhtheihna tlaa chuang zingah hian German mi 72 an awm a, Spain mi 50 an awm tel bawk.