Muslim-te'n lawng aṭangin Kristiante an paih thla

Africa mi, an ram chhuahsana Italy-a pem tuma kalte chu Mediterranean tuipuia an awm laiin lawngah sakhaw thil vangin an inhnial buai a, Muslim-te chuan an zinga Kristian awm mi 12-te chu lawng aṭangin an paihthla.

Lawng chhungah hian nasa takin an intibuai a, Muslim-te hian Kristian awmte chu an beihrawn a, tuiah an namthla ta a ni. Italy police-te chuan pawikhawihtu mi 15-te chu an man tawh niin an sawi.

He thil thlen hma ni li kaltaah khan Libya rama pem luh tumte chuanna lawng chesualin a let a, mi 400 vel an thi tawh bawk. He lawnga chuang zinga 4 chauh chhanchhuah a ni.

International Organization for Migration chuan kar kalta Zirtawpni aṭang khan ramdanga pem tuma kalchhuak, tuipuia vanduaina tawk mi 10,000 vel zet chhanchhuah an ni tawh tih a sawi.

Mediterranean tuipuia mi 12 paihthlakte hi Nigeria leh Ghana mite an ni a, anmahni paihthlatua puhte hi Senegal, Mali leh Ivory Coast ram mite an ni.