Australia PM atan Turnbull la lut

Malcolm Turnbull chu Australia Prime Minister term hnihna chelh turin rinawmna thu thiam tira lak luh a ni. Australia-a Queen Elizabeth-i aiawh, Go≠vernor General Peter Cosgrove chuan Canberra-a Goverment House-ah Turnbull hi a la lut a ni.

July 2-a inthlan neihah khan multi-millionaire, Turnbull-a kaihhruai Liberal/National ṭangrual pawl chu an chak hram a, House of Representative-a seat 150 awmah seat 76 an nei a ni. Rorelna chang pha mah se, inthlan hmasa an pha hlo hle.

Turnbull hian a cabinet a thlak danglam vak lo a, term hmasa a mite a hmang zawm leh a ni. A thlak danglam zingah Innovatoin, Science and Industry Minister Christopher Pyne chu defence industry minister-ah dah a ni a, a chanpual hlui hi environment minister hlui Greg Hunt kutah dah a ni thung. Environment minister atan hian Josh Frydenberg dah a ni a, hei hian environmentalist-te a tilawm hle.