US-in UAE hnenah bomb hralh a remti

US chuan Islamic State (IS) firfiakte beih nan United Arab Emirates (UEA) hnenah dollar maktaduai 785 man bomb hralh a remti.

IS firfiakte laka beihpui thlak mekah US leh UEA hi an thawkdun ṭha hle a, UEA-a Al Dhafra Airbase-ah US sipai 3,500 bakah firfiakte beihna atana hman thlawhtheihnate dah a ni. UAE hi Syria rama ṭangrual ramten IS laka beihpui an thlaknaah pawh a tel a ni.

US Department-in UEA hnenah hralh tura a remtih zingah hian bomb 14,640 leh guidance kit bakah silai mute a tel. Hei bakah hian State department chuan Japan hnenah missile 246 leh hmanraw dang, dollar maktaduai 821 man hralh a remti bawk.