Afghanistan-a inbeihnaah Taliban commander a thi

Afghanistan chhim lam, Helmand province-a Sangin district-a Taliban firfiak leh security force-te inbeihnaah firfiak pariat an thi a, an zingah hian an hotu pawimawh tak commander Mawlawi Agha a tel.

Interior Ministry thuchhuah chuan firfiakte hian Thawhlehni zing khan Sangin-a security checkpoint eng maw zat an bei a, police-ten kap letin firfiakte hi an tlanchhe zui ta niin a tarlang.

Tun hnaiah firfiakte hian pawikhawihna an thlen fo a, Kunduz, Badakhshan, Helmand, Sangaman leh Jauzpan province-ah te Pathianni leh Thawhṭanni khan an che nasa a, mahse security force-ten pawikhawihna thlen an tum hi an dang thei niin official-te chuan an sawi.

Hetihlai hian Taliban thupuangtu, Zabihullah Majahid chuan media mite biain, Taliban fighter-te chuan hma an sawn zel thu leh, an inbeihnaah sorkar sipai tam takin hliam an tuar thu a sawi thung.