Brazil-ah WhatsApp titawp lailawk

Brazil thuneitute chuan pawikhawihna thleng chungchang chhuinaa an thil hriat duhte WhatsApp lamin an pek loh avangin hun rei vak lo chu an ram pumah hman theih lohin an titawp a, mahse Supreme Court judge Ricardo Lewandowski chuan thil tih awm lo a nih thu sawiin a hlih tir leh nghal a ni.

Brazil ramah hian mobile call man hi a to avangin mipui tam zawkin inbiakpawhna atan WhatsApp hi an hmang uar hle a ni. Tun ṭum hi thuneituten kum hnih chhunga WhatsApp an tihtawp lailawk ṭum thumna a ni a, mi maktaduai tel a nghawng a ni.

WhatsApp lam chuan thuneituten an thil hriat duh ang hi pek tur an nei lo niin an sawi.

May thla khan Brazil ramah hian WhatsApp hi tihtawp lailawk a lo ni tawh bawk.