Republican covention neihnaah US flag hal
US Republican National Convention neihna, Cleveland-a Quicken Loans Arena pawnah mi ṭhenkhatin lung≠awi lohna an lantir a, America flag an hal. Police-te chuan nawrh huaihawtte hnawhdarh nan hian pepper spray an hmang a ni.
Thawhṭanni aṭang khan ni li awh party convention hi neih a ni a, Nilaini zan khan US President thlanna neih tura party official candidate atan Donald Trump puan a ni. Hetihlai hian convention neih ṭanni aṭang hian Trump duhlohtute chuan lungawi lohna an lantir a ni.
Police-te chuan nawrh huaihawtu zinga mi 17 an man a, an zinga pahnih chu US flag hal vangin thubuai siamsak an ni a, midang 15-te chu tharum thawhna thlen thubuai siamsak an ni bawk. US Constitution chuan America flag hal hi a khap a ni. Police leh nawrh huaihawtte innawr buainaah hian police officer pahnihin hliam na vak lo an tuar bawk.
Repubican president candidate, Donald Trump-an an rama pem luh tumte khuahkhirhna tur rawtna a siam chu America mipui hmun thuma
ṭhena hmun hnihin an thlawp lo. Trump hian a campaign-naah an rama Muslim mi luh khapna siam te, Mexico nen an inri-na daidanna bang siam te a rawt bakah, President a nih chuan dan loa an rama lutte chu a thawnkir vek tur thu a sawi a, a thusawi hi helhtu an tam hle.
Gallup-in Trump-a rawt≠na siam chungchanga mipui ngaihdan a lakna result hnu≠hnung ber, Nilaini-a a tihchhuah≠ah US-Mexico ramri-a bang siam chu America mipui 66% in an duh lo a, an zingah hian Trump-a party, Republican mi 38% an tel. An rama dan loa lutte thawn kir duh lo tu 66% an awm bawk a, mipui tam zawk 84% chuan heng mite hi America khua leh tui nihna an dil theih nana hun pek an duh zawk a ni.
Mike Pence-an VP nomination a pawm :
US-a Indiana state Governor, Mike Pence chuan Cleveland-a Republican party convention-a party vice president candidate atana an nominate chu a pawm. A thawhpui tur, President candidate Donald Trump chu pa ṭha tak a nih thu a sawi zui bawk.
Pence chuan amah ring tawka vice president candidate atana an thlang chu lawmawm a tih thu a sawi a, Republican-in Trump an thlang chu lawmawm a tih thu sawiin, beidawng ngai lo mi a ni, a ti.
Conservative evanglical Kristian leh Congressman hlui, Pence hi Trump hian vote zawnna kawngah pawh a ṭangkai phah hle rin a ni a, Trump-a ngaihdan maksak tak tak neih avanga mi ṭhenkhatin hlauhthawnna an neih pawh a tihziaawm phah rin a ni bawk.
Secret Service-in Trump-a Advisor chhui :
Hetihlai US Secret Service chuan Democratic president candidate Hillary Clinton-i chu ram a phatsan avangin kahhlum a ni tur a ni tia sawitu, Donald Trump-a advisor pakhat chu an chhui chiang mek. New Hamshire state representative, Al Baldasaro chuan Thawhlehni-a radio host Jeffrey Kuhner-an a kawmnaah, "Hillary Clinton hi kahhlum turte dinna hmunah din tirin, ram a phatsan avangin kah tur a ni" tiin a sawi.
Mahse Trump campaign chuan Baldasaro thusawi chung≠changah hian inrawlh≠na an neih loh thu an sawi a, Trump-a thupuangtu Hope Hicks chuan thuchhuah siam≠in, Baldasaro thusawi chu an pawmpui loh thu a tarlang.