Israel parliament-in MP-te ban theihna tur dan a pass

Israel Parliament chuan Parliament, Knesset member ṭanglai te, chi inthliarna lam hawi buaina chawk chhuak zawnga thu sawi leh, an ram dodal zawnga thu sawi te member an nihna aṭanga ban theihna tur dan siam thar a pass.

Prime Minister Benjamin Netanyahu chuan he dan thar siam hian sorkar dodal zawnga chete thlawptu, Knesset-a rorela a ṭhu ve ṭhin tur a dangchat thei dawn a ni, a ti. Mahse sawiseltu lam chuan he dan hi democracy kalh nia sawiin, Israeli Arab MP-te bitum nana siam nia an ngaih thu an sawi.

He dan thar hnuaiah hian MP paihthla tur hian Knesset-a member 120 zinga hmun li-a ṭhena hmun thumin an thlawp a ngai dawn a ni.