Greece-in hmeichhe president hmasa ber nei dawn

Greece chuan January 22 hian an ram president tur an thlang dawn a, eptu party liante'n president atana sorkarin a nominate, judge Ekaterini Sakellaropoulou chu an thlawp dawn avangin a vawikhatna atan Greece chuan president atan hmeichhia a nei dawna ni. 

Eptu hruaitu, Alexis Tsiparas chuan Sakellaropoulou chu judge ṭha tak leh human rights humhalhtu a ni tih a sawi. Socialist KINAL party pawhin kum 63 mi, Sakellaropoulou  hi an thlawp dawn tih an sawi tawh bawk. Greece president term hi kum nga niin, tling tur chuan Parliament member vote 200 hmuh tlin a ngai a ni. Sakellaropoulou  hian vote 260 chuang a hmuh theih rin a bawk. President ṭanglai Prokopis Pav­lopoulose term hi hi March thla hian a tawp ang.