UN hotu thar thlan turah Guterres-a'n hma hruai

United Nations Secretary General thar thlan turah, Ningani khan a ṭum khatna atan UN Security chuan secret ballot hmangin a thlang a, candidate zingah Portugal Prime Minister hlui Antonio Guterres chuan hma a hruai a, Slovenia prsient hlui Danilo Turk-an a dawt.

Vote thlak hmasak ber result-ah hian UN cultural organisation UNESCO director-general Irina Bokova chu pathumna a ni a, Serbia foreign minister hlui Vuk Jeremic leh Macedonia foreign minister hlui Srgjan Kerim-te chu vote in ang hmuin pali-naah an awm.

New Zealand prime minister hlui Helen Clark chu panga-na a ni a, Slovenia foreign minister Miroslav Lajcak, Argentina foreign minister Susana Malcorra leh UN climate chief Christiana Figueres-ten an dawt a ni.

UN hotu thar chuh turte hian TV-ah debate nei mah se, inthlan hi chu secret ballot hmanga neih a ni thung. UN General Assembly chuan hruaitu thar thlan turah hian tun hma lama a ruk thei anga kalpui ṭhin titawp a, public nomination siam leh, candidate tinten compaign-style town hall event an neihte an rawt a ni. Mahse General Assembly-a candidate recommend-tu tur chu member 15 awmna UN Security Council a ni dawn a, kumin kumtawp lamah candidate atana a thlan chhuah hi a thehlut ang. Council hian candidate chungchangah an inlungrual theih hma chuan secret ballot hmang hian a thlang dawn a ni.

UNSC-in vote a lak hmasa berah hian vote hmu sang br, Guterres hian thlawptu 12 a ni a, Turk hian 11 a nei bawk.