Turkey Presidential guard ṭhiat dawn

Turkey sorkar paihthlak tuma beihnaa inhnamhnawiha puh, sipai leh sorkar hnathawk eng emaw zat chu ban leh hrem an ni tawh a, an zingah hian presidential guard 300 dawn an tel.

Prime Minister Binali Yildrim chuan presidential guard regiment hi a awm a ṭul tawh lo nia sawiin, ṭhiah a ni dawn tih a sawi.

Presidential guard atan hian sipai 2,500 vel dah an ni a, mahse sorkar beih a nih hnuah an zinga 283 chu sorkar dodal zawnga chetnaa inhnamhnawiha puhin man an ni tawh. Zirtawpni khan presidential guard 300 dangte manna tur thupek tihchhuah a ni leh bawk.

Turkey-in sorkar paih-thlak tuma beihnaa a bul tumtu bera a puh, US-a awm Islam cleric Fethullah Gulen-a tupa, Muhammet Sait Gulen chu hmarchhak lam khawpui, Ezruzrum-ah man a ni a, thu zawhfiah turin Ankara-ah
hruai a ni ang.

Sorkar paihthlak tuma beihnaa inhnamhnawiha puha man hi mi 13,002 an tling tawh a, an zingah hian police 1,329, military official 8,831, judge leh prosecutor 2,100 te an tel. Kar kalta Inrinni khan President Erdogan chuan school, charity, union leh medical centre 2,341 kharna tur thupek a tichhuak bawk a, ram pumah thla tum chhung emergency a lo puang tawh bawk a ni.