Democratic Committee hotu a bang dawn

US Democratic National Committee (DNC) chair-woman Debbie Wasserman Schultz chuan an party convention zawh hunah DNC hotu a nihna
aṭangin a bang dawn tih a sawi.

Pathianni khan thuchhuah siamin, Wasserman Schultz-i chuan, "Election lo awm tura atana ka tih tur ṭha ber chu Party Chair aṭanga ban hi a ni a, convention zawhah ka bang ang. Mahse Party Chair ka nihna angin Convention hawnna leh kharna erawh hi ka neihpui dawn a, inthlan lo awm tur atana Democrats chauh ni lo, American zawng zawngte tana tih turte chu ka sawi dawn a ni" a ti.

Schultz-in banna a thehluh hma hian DNC email a putru a, hetah hian party candidate chuha primary contest neihnaah staff member-te hian Bernie Sanders aiin Hillary Clinton an duhsak zawk tih hriatchhuah a ni. Mahse DNC staff-te chuan Sanders chungchanga an puhna chu thu dik lo niin an sawi.

Sanders hian Schultz hi bang turin alo nawr fo tawh a, DNC chuan Hillary Clintoni-i hi thlawpin, president candidate chuh tuma a beihna pawh an dodal zel niin a lo sawi tawh a ni.

Schultz-in a ban tur thu a puan hnu hian, President Barack Obama leh Hillary Clinton campaign chuan thuchhuah siamin, DNC hotu hna a chelh chhunga a hnathawh zawng zawng avanga an lawm thu an sawi. Obama chuan hruaitu ṭha tak a ni thu sawiin, Democrats-te pumkhatna siamtu a ni, a ti. Clinton-i pawhin Schultz chu a ṭhian hlun tak a nih thu sawiin, Republican-te nena an inbeihna kawngah a ni aia ṭha tur dang an awm lo tih a sawi.

Clinton-i chuan US President thlanna neih tura an campaign-naah Schult-i hi honorary chiar a nih tur thu a sawi.

Ni li awh tur, Democratic National Convention hi nimin khan Philadelphia-ah ṭan a ni a, convention-ah hian party official nominee atan Hillary Clinton-i hi puan a ni dawn a ni.