Trump-an WTO aṭanga US lakchhuahah a vau

US Republican presidential nominee, Donald Trump chuan ramdanga US company insawnte hremna tura a rawtna chu dan sak a nih chuan World Trade Organization (WTO) aṭangin US lakchhhuahah a vau.

NBC-in a kawmnaah, Trump chuan US President atana thlan tlin a nih chuan, US company, ram danga insawna an thil siam US ram chhunga zuar leh site chu chhiah a chawi tir tur thu a sawi. Chhiah a chawi tir tur pawh company dangte ang ni loin, 35% thleng pawh a ni thei tih a sawi a, heng chhiahte hi WTO kaltlanga a theih dawn loh chuan WTO-a an awm zui zel dawn leh dawn loh an ngaihtuah ṭha dawn a ni, a ti. Trump chuan UK-in European Union aṭanga inlakhran a tumna chu a thlawp thu a sawi bawk.