Nepal PM Prasad Oli a bang

Nepal Prime Minister Khadga Prasad Oli chu Parliament-a a kaih≠hruai sorkar fiah a nih hma lawkin PM aṭangin a bang. Sorkar fiahnaah hian a paltlang zo lo nia sawi a ni.

Kum 64 mi, Oli hi a kaihhruai ṭangrual sorkar thlawptu party te chuan thuneihna sem zai
thiam lo leh a thawhpuite zah tawk loah an puh a, sorkar thlawpna an hnuhdawh tak avangin Pathianni khan banna lehkha hi a thehlut a ni.

Kum 1952, February 22-a piang, Oli hian kum 1970 khan Nepal Communist Party a zawm a, an rama lal rorelna paihthlak theihna tura an beihna avangin kum 14 zet lung-inah a tang a ni. Kum 2015 October inthlanah thlan tlin a ni a, mahse an rama lirnghing rapthlak tak thleng chung≠changa sorkar hmalak danah sawisel a tawk nasa hle. December thlaa an ram danpui siamṭhat duh lohna lantira nawrh huaihawt leh police-te intihbuainaa mi 50 chuangin nunna an chan avangin a hmingchhiat pha hle bawk.