France police-ten biak-ina mi hrengtute kaphlum

France hmarlama Normandy khua, Saint-Etienne-du-Rouvray-ah nimin khan chemte kengin mi pahnih chu biak-ina mass neih laiin an lut a, biak-ina awmte chu an hreng zui.

Biak-in an mihren zinga 'nun' pakhat chu tlanchhuakin, thil awmdan chu thuneitute a hriattir a, specialist police unit tirh nghal an ni. Biak-ina mi hrengtu misual pahnihte hi an kaphlum a ni.

Police-ten an chhanchhuah hmain misualte hian puithiam chu nghawngah zaiin an that a, mi dang pakhat in hliam a tuar bawk.

France President Francois Hollande leh Interior Minister Bernard Cazeneuve te chuan nimin vek khan pawikhawihna thlenna hmun hi an pan nghal a ni.