China-a tuilian tuarte official-te chungah lungawi lo
China hmarlam, Hebei Province-a tuilian tuarte chuan official-te chu an hna ngaihthah leh thawk ṭha tawk loh≠ah an puh. Tuilian vang hian mi 160 chuangin nunna an chan a ni.
Tuilian hian Daxian thingtlang khua a chim a, leimin nasa tak a thleng bawk. He khuaa chengte chuan thli tleh leh ruahsur tur chungchang hi thuneitute chuan engmah an hrilh lawk lo tih an sawi. People's Liberation Army chuan khawchhung thenfai hna hi an thawk a ni.
Tui a len hma thla li kaltaah khan Daxian khuaah hian heating company chuan pipe lian tak tak an phum a, an pipe phumna tura lei an laihchhuahte chu lei hnuaiah an chhekkhawl tawp niin tualchhung mite chuan an sawi. Heng lei an chhunkhawm hi paih turin thuneitute pawh an ngen a, mahse hma lak a nih loh avangin tuilian hian rawn hnawlin chhiatna nasa tak a thlen phah ta a ni.