NKorea nuclear test chungchang US chetdanah innghat

North Korea foreign minister, Ri Yong Ho chuan nuclear test an neih dawn leh dawn loh chu US chetdanah a innghat niin a sawi.

South Korea chan≠chinbu, Yonhap news agency chuan hemi chungchang hi a tarlang a, minister hian Korean peninsula-a ralmuanna tur chu US chuan a tichhia nia a sawi thu a chhuah.

NKorea hian kumin January khan a ṭum li-na atan nuclear test a nei leh a, hei vang hian ram dangten an ram hrekna na zawk an siam phah a ni. Mahse SKorea official leh expert-te chuan NKorea hian nuclear test hi a neih leh thuai an rin thu an sawi.

Laos-a Association of South East Asian Nations (ASEAN) meeting neihnaa chanchin thar lakhawmtute a kawmnaah minister Ri chuan he thu hi a sawi a, nuclear ralthuam an neihte chu an ram himna tiderthawng khawpa beih leh vauna an tawk a nih loh chuan an hmang dawn lo niin a tarlang.

Ri chuan an ram hotu lu ber Kim Jong Un chuan US nena inremna thuthlung ziah hi a lo rawt tawh a, South Korea-a US sipai leh ralthuam a dahte pawh lachhuak turin a lo ngen tawh a ni, a ti.

Hetihlai hian hian US State Department thupuangtu, Elizabeth Trudeau chuan NKorea chu nuclear programme a kalpui mek titawp tura ramdangte nawrna ngaih pawimawh turin a ngen nawn leh.