IS-in France Biak-In beitute thla a tichhuak

Islamic State (IS) firfiak pawl pawh chuan France rama Biak-In bei a, puihtiam pakhat thattu mi pahnihte nia a sawite lanna video a tichhuak.

Video hi Nilaini khan IS-linked website Amaq-ah a dah chhuak a, he video-a mi pahnih langte chuan 'Abu Omar' leh 'Abu Jalil al-Hanafi' niin an insawi a, IS hotu lu ber Abu Bakr al-Baghdadi laka rinawmna thu an tiam laite tihlan a ni. Pakhat zawk hian IS flag lem inziahna lehkha pakhat a keng tel bawk.

France sorkar chuan an ram hmar lam, Normandy biala IS mi leh nia hriatten Biak-In bei a, puithiam kum 86 mi, Father Jacques Hamel an thah hnuah venhimna khauh takin a kalpui nghal. Pawikhawihtu mi pahnihte hi France police-te chuan an kap≠hlum a ni. France prosecutor Francois Molins chuan pawikhawihtu pakhat zawk hi kum 19 mi Adel Kermiche a nih thu a sawi a, pakhat zawk erawh chu hriatchian a la ni lo. Kermiche hi nikum khan IS zawm tumin Syria ramah ṭum hnih kal a tum chu man a, hruai kir leh a ni a, enthlak mek a nih thu Molins chuan a sawi.