Japan mipui zat tlahniam

Japan ramah mipui awm zat chu kum 15 chhunga a hniam ber ṭum a ni a, mihring awm zat hi maktaduai 127.083 an ni.

Kum 2013 October thla aṭanga 2014 chhunga mihring kiamna hi 215,000 a ni a, hei hi 0.17% a ni. Kum li chhung a zawnin mihring awm hi pung loa an tlakhniamna a ni tawh.

Japan ramah hian nau piang an tlem sawt avang­in a mi chengte pawh chawh rualin an upa chho zel a, kum 2060-ah chuan maktaduai 40-ah an tlak­hniam rin a ni. An rama senior citizen awm zat hi 26% an tling tawh a, hei hi kum 1950 hnua a san ber ṭum a tling tawh.

Population survey neiah hian Japan rama piang leh seilian chauh ni lo, thla thum aia rei an rama awm ramdang mite pawh telh an ni. Japan mi leh sa dik tak zingah phei chuan an tlakhniamna hi a la sang zawk a, kum khat chhunga mihring kiam­na hi 273,000 a tling.

Japan hi khawvela mihring bitna ram 10-na a la ni pha a, mahse Mexico ramah mihring an pun chak avangin a la lehpelh thuai rin a ni.