S.Africa aṭangin ramdang mite umchhuah an ni lo : Zuma

South Africa President Jacob Zuma chuan an ram chhung hmun ṭhenkhata ramdang mite'n beih an tawh chungchangah, South Africa aṭanga ramdang mi umchhuah tumna a ni lo, a ti.

Chatsworth, Durban-a foreigners camp-a thu a sawinaah Zuma chuan, "Sorkar chuan kan ram in chhuahsan hi a duh lo a, South Africa mite zingah chutiang lam hawia sawi an awm a nih chuan thil awm lo tak a ni. Sawi an awm anih pawhin mi tlemte chauh an ni ang," a ti. Hemi rual hian ramdang mi awmte chu an ram lama kir an duh a nih chuan sorkarin a puih tur thu a sawi bawk.

SAfrica sorkar hian ram dang mite himna tur a ngai pawimawh dawn tih sawi mah se, Africa ram dang eng emaw zat chuan SAfrica aṭang hian an mi leh sate an la­chhuak tawh a ni.

Hetihlai hian Durban leh Johannesburg-ah chuan ram dang mite laka pawikhawihna a la thleng chhunzawm reng a, ramdang mi siam dawrte pawh eng emaw zat rawk an ni bawk.