Shroud of Turin dahchhuah a ni leh ta

Isua Krista ruang tuamna puan nia sawi, Shroud of Turin chu kum nga chhunga dahchhuah a nih loh hnuin, nimin aṭang khan mipuite hmuh theih turin Turin-a St John the Baptist Cathedral-ah dah chhuah a ni a, June 24 thleng pho lan a ni ang.

Shroud of Turin hi meter 4.4-a sei a ni a, mipuite hmuh theiha dahchhuah hnuhnun ber chu kum 2010 kha niin, hemi ṭum hian mi maktaduai 2.5 in an en.

Tun ṭuma puan an pholan hi a thlawna en theih ni mah se, a en duhte tan book hmasak pawh a ngai a, mi maktaduai khatin an book tawh a ni. Pope Francis pawhin June 21 hian cathedral hi tlawhin a en ang.