California state-in school-a smartphone khuahkhirhna dan siam

US-a California state-in school-a smartphone hman chungchanga khuahkhirhna dan a siam chu Thawhṭanni khan governor Gavin Newsom chuan a hming ziah hnanin dan ah chantir a ni ta.

Kumin hian US state 13-te chuan school-a smartphone hman khap leh khuahkhirhna tur dan an siam tawh a, nikum khan Florida chuan khapna dan a lo siam tawh bawk. Zirlai naupangten smartphone an hman nasat chuan an rilru a natna neih theihna a tam a, hei bakah an zirlaiah an hnufum phah thei bawk nia sawiin, smartphone khap leh khuahkhirhna tur hi an siam a ni.

California-ah hian public school zirlai maktaduai 5.9 dawn an awm a, kumin June thla khan Los Angeles County school board chuan an huam chhunga school zirlai 429,000 te chu school-ah smartphone an hman a lo khapsak tawh bawk.