Israel-in lockdown khauh zawk hman tum

Prime minister Benjamin Netanyahu cabinet chuan Ningani khan an rama lockdown hman mek chu khauhzawka kalpuina tur an rel tih an sawi. 

Israel-ah hian Covid-19 hri leng chu a thawh hnihna a thlen mek avangin September 18 aṭang khan lockdown puan leh a ni. Kar liam taa hri kai thar zat chu mi 7,000 dawn an awm a, hei vang hian hri leng chu a darh nasat loh nan lockdown khirh tak hman tumin cabinet-te chuan ro an rel phah ta a ni.

Nimin aṭanga hman ṭan, in khuah­khirhna khauh zawk siam thar hi kar hnih chhung hman a ni ang. Hemi chhung hian nitin mamawh chakkhai zawrhna tih loh, sumdawnna leh hnathawhna hmunte hawn phal a ni lo. Israel finance ministry chuan kar hnih chhung lockdown khirh tak hman a nih chhunga an pawisa hloh zat tur chu US dollar vaibelchhe 10 (Shekel vbc 35) vel angin a chhut.