Finland inthlanpuiah PM a chak zo lo

Finland ram inthlanpui, Pathiannia neihah Prime Minister Alexender Stubb-a kaihhruai rorellai, National Coaliton Party chu a chak zo lo a, eptu pawl Centre Party in seat a la hnem ber.

Parliament seat 200 awm­ah, Center Party hian seat 46 lain, National Coalition Party hian 37 an la a, Social Democrats pawhin seat 37 lain, Finns Party chuan seat 35 a la.

Stubb-a kaihhruai party pali ṭangrual pawlte hian an thawhhona chhung lamah harsatna an nei a, hei bakah hian ram kalphung siamṭha turin policy a thlak danglam thei lo a ni. Hei hi inthlana an chet chhiat chhanah ngaih a ni.

Centre Party hruaitu, Juha Sipila (53) hi millionaire niin, politics lamah mi thar a ni a, an party-in inthlanah seat an lak hnem ber avangin Finland Prime Minister thar a ni thei dawn ta a ni. Inthlan dawna a campaign auhla-ah Sipila hian kum 10 chhungin private sector hnuaiah hna thar 200,000 siam a tiam.