China President-in Pakistan a tlawh
China President Xi Jinping chuan nimin khan Pakistan-ah ni hnih cham turin a zin. A cham chhung hian ram pahnihte hian thawhdunna tur inremna thuthlung eng emaw zat an ziahfel beisei a ni.
China President hi ram pahnihte thawkdunin an siam, JF-17 Thunder fighter jet 8 in a zui a ni. Xi Jinping hian Pakistan a tlawhna hmasa ber tur a ni a, "Mahse ka unaupa ina kal tur ang maiin ka inngai a ni," a ti.
Pakistan-a a cham chhung hian Pakistan President Mamnoon Hussain, Prime Minister Nawaz Sharif leh minister dangte a kawm dawn a, vawiin hian Parliament-ah thu a sawi ang.
China President cham chhung hian thawhdunna tur dollar tluklehdingawn 28 hu ziahfel a ni ang a, a hnuah a dang pawh siam chhunzawm a ni ang. America-in Pakistan rama investment a tihte khum turin China hian China-Pakistan Economic Corridor (CPEC) hmangin a khum dawn a ni.
CPEC hnuaiah China sorkar leh bank-te chuan Pakistan rama investment an tih thehina turin Chinese company-te sum an puktir ang.