Mediterranean-a lawng chesualah mi 700 an thi

Mediterranean tuipuiah Pathianni khan pem chhuak turte chuanna lawng chu chesualin a let a, lawnga chuang zinga mi 28 chu chhanchhuah niin, mi 24 ruang hmuh a ni tawh a, hetihlai hian he lawng chuang mi 700 vel chu an chin hriat chian a la ni lo a, an thih rin a ni.

Lawng hi meter 20-a sei niin, Libya tuipui kam thlen hma mel 70 vel, Italy-a Lampedusa thliarkar chhim lamah a chesual niin Italian coast guard-te chuan an sawi.

Lawng chetsual vanga thite hi a zat chiah hriat a la ni lo a, chin hriat loha awm mi 700 te chu thi-a ngaih an ni a, hei hi tihchian a nih chuan kumin chhungin sub-Saharan Africa leh Middle East aṭanga pemchhuah tuma chhuakte, tuipuia chetsualna thleng vanga thi chu 1,500 an tling dawn a ni.