Hri leng thawh hnihna a thleng ṭan : Canada PM
Canada prime minister Justin Trudeau chuan an rama hmun ṭhenkhatah Covid-19 hri leng chu a thawh hnihna a thlen ṭan mek thu a sawi.
Trudeau chuan an rama province lian paliah chuan hri leng thawh hnihna a la thlen loh thu sawiin, he hri leng thawh hnihna thleng mek hi an ṭanrual chuan hneh theih a nih thu a sawi bawk. October 12-a Thanksgiving hunah pawh mipuite chu pungkhawm lo turin a chah.
Public health authority-te chuan Covid-19 hri leng thawh hnihna chu hmun ṭhenkhatah a thlen chho mek thu sawiin, mahse inven theih a nih thu an tarlang tel bawk. Kar nga chhunga Canada-a hri kai zat zinga a tam zawk chu kum 40 hnuai lam an nih thu a tarlang bawk.
Canada ram hmun ṭhenkhata hri leng thawh hnihna a thlen mek avang hian mipuite chu hmaituamna ngaipawhmawh ṭheuh turin leh invenna tura sorkarin guideline a tihchhuahte chu zawm turin mipuite chu Trudeau chuan a chah. Kum 2008-a khawvel economy a tlakchhiat a, an ram a nghawng ai khan kumina hri leng vang hian an ram economy chu a thlachhe zawk tih Trudeau chuan a sawi.