Sri Lanka Prime Minister thar atan Harini Amarasuriya la lut

Sri Lanka President pakuana atana Anura Kumara Dissanayake lak luh a nih tuk, Thawhlehni khan Harini Amarasuriya chu prime minister atan lak luh a ni ve leh.

Prime Minister thar, Amarasuriya hi President Dissayanake kaihhruai National People's Power (NPP) ṭangrual pawla mi a ni. President inthlanna neiha hnehna chang zo ta lo, Ranil Wickremesinghe-a'n prime minister a nihna aṭanga banna a thehluh hnuah PM atan hian ruat a ni ta a ni. Aamarasuriya hi Justice, Industries, Science and Technology, Health, leh Investment enkawl turin chanvo pek a ni bawk.

Tunge Harini Amarasuriya ?

March 6, 1970 a piang Harini Amarasuriya hi NPP aṭangin Parliament member a ni a, Sri Lanka Prime Minister 16 na anih bakah Sirimavo Bandarnaike leh Chandrika Kumartunga hnua hmeichhe prime minister ni leh thei hmasa ber a ni.

Kum 25 dawn hnua hmeichhia prime minister ni leh thei hmasa ber a ni a, hmeichhe zinga he dinhmun lo chelh hnuhnung ber, Bandarnaike chu August 2000-ah khan a term a tawp a ni. Kum 2020 aṭang khan Parliament member a ni a, a hmain University lecturer a nih bakah activist a ni bawk.